गडहिंग्लज (प्रतिनिधी): येथील महात्मा फुले विद्यालय व जुनिअर कॉलेजच्या वतीने 'कलाअविष्कार २०२३' -वार्षिक स्नेहसंमेलन उत्साहात पार पडले. दोन दिवस विविध कार्यक्रम संपन्न झाले. त्यामध्ये फॅन्सी ड्रेस,फनी गेम्स, व्याख्यान, शेलापागोटे व विविध कला गुणदर्शनाचा समावेश होता.
यावेळी विविध गुणदर्शन कार्यक्रमाचे उदघाटन माजी जि.प.सदस्य हणमंतराव पाटील व अजित देसाई यांच्या हस्ते झाले.अध्यक्षस्थानी प्राचार्य आय. एस. पाटील तर प्रमुख पाहुणे सरपंच प्रशांत शिंदे उपस्थित होते. माजी सभापती विजयराव पाटील, श्रीशैल पाटील यांची प्रमुख उपस्थिती होती.
 |
| महागाव : वार्षिक स्नेहसंमेलनानिमित्त अहवाल वाचन करताना प्राचार्य आय. एस. पाटील. सोबत हणमंतराव पाटील, विजयराव पाटील, अजितराव देसाई, श्रीशैल पाटील यांच्यासह अन्य मान्यवर. |
पहिल्या दिवशी फॅन्सी ड्रेस,फनी गेम्स तर दुसऱ्या दिवशी अभिनेते आत्माराम पाटील यांचे विनोदी व्याख्यान व सायंकाळी विविध कलागुणदर्शनाचे आयोजन केले होते. या स्नेहसंमेलनात विद्यार्थ्याने आधुनिक गीताबरोबर पारंपरिक कोळी, शेतकरी, वाघ्यामुरळी, गोंधळ, लावणी, देशभक्तीपर गीते, नाटिका व रिमिक्सच्या ठेक्यावर विद्यार्थ्यांनी आपला कलाविष्कार दाखवला.
