गडहिंग्लज (प्रतिनिधी ): ग्रामीण भागातील जनतेला अधिक सुसज्ज, तत्पर आणि दर्जेदार वैद्यकीय सेवा एकाच छताखाली उपलब्ध करून देण्यासाठी कटिबद्ध असलेल्या तेरणी परिसरातील येथील प्रसिद्ध डॉ. एम. एस. पाटील यांच्या 'शिवशांती क्लिनिक'च्या नवीन स्थलांतरित हॉस्पिटलचा आणि नव्याने सुरू करण्यात आलेल्या 'शिवशांती मेडिकल'चा भव्य उद्घाटन सोहळा उद्या सोमवार, दि. १७ ऑगस्ट रोजी सकाळी ८.०० ते १०.०० या वेळेत अत्यंत उत्साहात पार पडणार आहे.
तेरणी व परिसरातील नागरिकांच्या आरोग्याची सातत्याने काळजी घेणाऱ्या डॉ. एम. एस. पाटील यांनी रुग्णांच्या सोयीसाठी आणि अधिक आधुनिक वैद्यकीय सुविधा पुरवण्यासाठी क्लिनिकचे नवे व सुसज्ज इमारतीत स्थलांतर केले आहे. यासोबतच रुग्णांना त्वरित व योग्य दरात औषधोपचार उपलब्ध व्हावेत यासाठी फार्मासिस्ट सौ. भुवनेश्वरी एम. पाटील यांच्या नेतृत्वाखाली 'शिवशांती मेडिकल'चा नवा उपक्रमही याच दिवशी सुरू केला जात आहे.
नागरिकांना उपस्थित राहण्याचे आवाहन
या शुभप्रसंगानिमित्त तेरणी आणि परिसरातील सर्व नागरिक, लोकप्रतिनिधी, स्नेही, रुग्ण आणि ग्रामस्थांनी मोठ्या संख्येने उपस्थित राहून कार्यक्रमाची शोभा वाढवावी आणि शुभ आशीर्वाद द्यावेत, असे आग्रहाचे निमंत्रण डॉ. एम. एस. पाटील व फार्मासिस्ट सौ. भुवनेश्वरी पाटील यांच्या वतीने करण्यात आले आहे.
