शिवराज युनायटेड ट्रॉफी : रोज सायंकाळी दोन सामने
पन्नास हजारांची बक्षिसे
गडहिंग्लज (प्रतिनिधी): येथील गडहिंग्लज युनायटेड फुटबॉल असोसिएशन आणि शिवराज विद्या संकुलातर्फे उद्या (ता. ६) पासून डेव्हलपमेंन्ट फुटबॉल लीग स्पर्धेला प्रारंभ होत आहे. अकरा जून अखेर ही स्पर्धा आहे. रोज सायंकाळच्या सत्रात दोन सामने होणार आहेत. स्पर्धेत सहा संघाचा सहभाग आहे. एम. आर. हायस्कुलच्या मैदानावर होणाऱ्या शिवराज युनायटेड ट्रॉफीसाठी रोख पन्नास हजारांची बक्षिसे आहेत. स्पर्धेचे यंदाचे अकरावे वर्ष आहे.
कुमार आणि युवा खेळाडूंना अधिक सामने खेळण्याचा अनुभव मिळावा हाच या स्पर्धेचा उद्देश आहे. पंधरा, अठऱा आणि एकोणीस, एकवीस वर्षाखालील खेळाडूंचा समावेश संघात आहे. गेले दहा दिवस निवडलेल्या खेळाडूंचे सराव शिबिर झाले. रंगतदार बोलीव्दारे या खेळाडूंची श्रेयस -अर्थव वॉरियर्स, गुफा गार्डीयन्स, संघर्ष फायटर्स, दादा जीएम चँलेजर्स, इफा लायन्स, युनायटेड रायझिंग स्टार्स अशा सहा संघात विभागणी करण्यात आली आहे. सर्व खेळाडूंना संघाचे किट देण्यात आले आहे.
उद्याचे सामने
सायंकाळी ४.३० वा. गुफा गार्डियन्स वि. इफा लायन्स
सायं. ५.३० वा. संघर्ष फायटर्स वि. श्रेयस अर्थव वॉरियर्स
