कोल्हापूर-पुणे वंदे भारत एक्सप्रेसचे नियमित वेळापत्रक व कोठे थांबे असणार

मिरज, सांगली, किर्लोस्करवाडी, कराड आणि सातारा याठिकाणी असणार थांबे 

कोल्हापूर : कोल्हापूर-पुणे वंदे भारत एक्सप्रेस ही महाराष्ट्रातील 11वी वंदे भारत ट्रेन आहे. वंदे भारत एक्स्प्रेसमुळे दोन सांस्कृतिकदृष्ट्या महत्त्वाच्या शहरांमधील संपर्कव्यवस्था मजबूत होईल. प्रसिद्ध श्री महालक्ष्मी मंदिर  असलेले कोल्हापूर आणि एक प्रमुख आयटी  केंद्र आणि सांस्कृतिक केंद्र असलेले पुणे आता अधिक कार्यक्षम, आधुनिक रेल्वे सेवेसह पर्यटनाला चालना देईल.

अत्याधुनिक वंदे भारत एक्सप्रेस गाड्यांमध्ये 530 प्रवाशांच्या आसनक्षमतेसह 8 कोच चेअर कार कॉन्फिगरेशन आहे. अत्याधुनिक सस्पेन्शन सिस्टीमसह अत्याधुनिक तंत्रज्ञानासह, प्रवासी अतिशय सुलभ, जलद आणि अधिक आरामदायी प्रवासाचा आनंद घेऊ शकतात.

नियमित वेळापत्रकाची माहिती खालीलप्रमाणेः

कोल्हापूर-पुणे- कोल्हापूर वंदे भारत एक्स्प्रेस (आठवड्यातून तीनदा)

ट्रेन क्रमांक 20673 कोल्हापूर – पुणे वंदे भारत एक्स्प्रेस 19-09-2024 पासून (आठवड्यातून तीनदा) प्रत्येक (गुरुवारी, शनिवारी आणि सोमवारी) धावेल. ही गाडी कोल्हापूरहून सकाळी 8.15 ला सुटेल आणि पुण्याला त्याच दिवशी दुपारी 13.30 वाजता पोहोचेल.

ट्रेन क्रमांक 20674  पुणे-कोल्हापूर वंदे भारत एक्स्प्रेस 18-09-2024 पासून (आठवड्यातून तीनदा) प्रत्येक (बुधवारी, शुक्रवारी आणि रविवारी) धावेल. ही गाडी पुण्याहून दुपारी 14.15 ला सुटेल आणि कोल्हापूरला त्याच दिवशी संध्याकाळी 19.40 वाजता पोहोचेल.

थांबेः मिरज, सांगली, किर्लोस्करवाडी, कराड आणि सातारा