कोल्हापूर : कोल्हापूर जिल्हा सहकारी दूध उत्पादक संघाच्या (गोकुळ) अध्यक्षपदी शशिकांत पाटील चुयेकर यांना संधी मिळण्याची शक्यता आहे. काँग्रेस आघाडीचे पॅनेल जाहीर करताना आमदार सतेज पाटील यांनी अध्यक्षपदाबाबत दिलेल्या शब्दानुसार त्यांची निवड केली जाणार असल्याचे संकेत मिळत आहेत. अध्यक्ष निवडीसाठी साधारणत ३० ऑक्टोबरला सभा होण्याची शक्यता असून, या निवडीकडे सहकार क्षेत्राचे लक्ष लागले आहे.
पावणेदोन वर्षांपूर्वी 'गोकुळ'च्या अध्यक्षपदाच्या निवडीवेळी शशिकांत पाटील चुयेकर यांचे नाव निश्चित झाल्याची चर्चा होती. मात्र, ऐनवेळी राज्य पातळीवरून महायुतीचा अध्यक्ष करण्याचा निर्णय झाल्याने नवीद मुश्रीफ यांना संधी देण्यात आली. त्यामुळे पाटील-चुयेकर यांना अध्यक्षपदापासून दूर राहावे लागले होते.
त्यानंतर झालेल्या राजकीय घडामोडींमध्ये काँग्रेस आघाडीने आपले पॅनेल जाहीर करताना या घटनेचा उल्लेख केला होता. सत्तेवर आल्यानंतर पहिल्या टप्प्यात शशिकांत पाटील-चुयेकर यांना अध्यक्षपदाची संधी दिली जाईल, अशी घोषणा आमदार सतेज पाटील यांनी केली होती. आता आघाडीच्या विजयाच्या पार्श्वभूमीवर या आश्वासनाची पूर्तता होण्याची शक्यता व्यक्त केली जात आहे.
.jpeg)
